حتى لا نعطش

حتى لا نعطش

بعد قيام دول حوض النيل الأربعة بتوقيع الأتفاقية الجديدة ل أعادة توزيع المياة

جة في دماغي سؤال هو احنا هنعمل اية حتى لا نعطش؟

هو احنا هنعمل اية بعد كدة طيب اية الخطة البديلة عشان نقدر نعيش و متجيش اللحظة

الي مصر تكون فيها عطشانة و يبقى فية أزمة عطش في مصر قبل ما نملى جراكيل

مياة و ناس تطلع تقطع طريق الدائري و ماسكة الجراكل و تقول عاوزين مية عاوزين

مية قبل ما كل دة يحصل يبقى لازم الأول نرشد طرق أستهلاك المياة عشان نوفر مياة

النيل قبل ما تخلص طبعاً قبل نوففر لازم نقول أننا نهتم ايضاً بتنظيم النسل و لية يا محمدين

تخلف خمسة و يعطشو لما ممكن تخلف اثنين و يشربو عشان يساعد على توفير مياة النيل

في نفس الوقت لازم نستغنى عن ملاعب الجولف مش لازم الناس تلعب جولف و بقيت الشعب

يعطش في نفس الوقت لازم نحدد مواعيد لري االأراضي الزراعية و أيجاد طرق مختلفة

للري زي مثلا أعادة تدوير مياة الصرف الصحي و نخليها صالحة للري

و غير ممكن نبطل نرش مياة ساعة الصبحية و نغسل العربية مرة واحدة و نقفل الخرطوم

لما نخلص و ايضاً مش لازم نستحمى مرتين في اليوم

و غير كدة كمان فية طرق علمية لمواجهة العطش و هي عملية الأستمطار الصناعي

أن أحنا نخلي المطر ينزل صناعي و طبعاً دةة محتاج بحث علمي و فلوس كثيرة

و فية طريقة أخرى و هي تحلية مياة البحر الأبيض و جعلها صالحة للشرب و الزراعة

المهم أن أحنا نوفر مياة النيل و نعمل كل الطرق دي عشان منوصلش لمرحة العطش